• Biggest perennial dabhosa waterfall in Palghar Jawhar
    India,  More to Explore

    १०. दाभोसा धबधबा

    जग फिरण्याचा ध्यास मनी, खुणावती दशदिशा दाही….. विश्वभ्रमंतीची जिज्ञासा भारी,  मिळे अनुभवांची शिदोरी न्यारी !       मग, आहात का सगळे या स्वप्नमय विश्वादौऱ्यासाठी तयार ? वाचकमित्रहो फिरणं ही एक अशीगोष्ट आहे जी आपल्याला दररोजच्या धकाधकीच्या जीवनातून ब्रेक देते आणि स्वतःसाठी जगायलाशिकवते. त्यामुळे आपल्यापैकी अनेकजण सुट्टी मिळाली की गावी पळतात. बच्चेकंपनी थीमपार्क, रिसॉर्ट्स तर कॉलेजिअन्स ट्रेकिंगच्या योजना आखतात. बरेचजण सलग येणाऱ्या सुट्ट्यांचेसमायोजन करून करून परदेशवाऱ्याही करतात.       खरं तर परदेशवारीची सुप्त इच्छा प्रत्येकजण मनी बाळगून असतो. पण कधी सुट्टी मिळालीनाही, तर कधी आर्थिक गणित जमलं नाही म्हणून ती स्वप्नातच राहून जाते. अनेकदा तिथे जाऊनही नीट माहिती नव्हती म्हणून काहीतरी मस्त मिस झाल्याची चुटपूट मनाला लागून राहते. त्यामुळेएखाद्या ठिकाणी जाण्याआधी तिथली संपूर्ण माहिती असणं अत्यावश्यक आहे. आता ‘गुगल’ बाबामुळे ही माहिती तर अगदी एका क्लिकवर उपलब्ध आहे पण इंग्रजीमध्ये ! काही मराठीब्लॉग्सवर महाराष्ट्रातील सर्व गड-किल्ल्यांची माहिती मराठीमध्ये उपलब्ध आहे पण देश-विदेशातील आकर्षणं…… त्यांच्याबद्दल का फक्त इंग्रजीमध्येच जाणून घ्यायचं ? म्हटलं  ‘२७फेब्रुवारी’ लाच का मातृभाषेवरच्या प्रेमाला पाझर फोडायचा ? करूया की एखादा छानसा मराठीब्लॉग सुरू, जिथे मराठीमध्ये भारतासह जगातील विविध देशांची, शहरांची माहिती उपलब्ध होईल. मग या चांगल्या कामासाठी वेळ का दवडा ? म्हणून ‘शुभस्य शीघ्रम’ म्हणत आम्ही हा ब्लॉग सुरूकेलाय. या ब्लॉगवर आपल्या वाचकांना एका टिचकीवर ( क्लिक ला मराठीत टिचकी म्हणतात बरंका ! ) विविध शहरांची संपूर्ण माहिती म्हणजे अगदी जाण्याच्या तयारीपासून ते तिथल्या विविधमहत्त्वाच्या आकर्षणांपर्यंत सगळं उपलब्ध होईल.  हे तर झालंच पण संवाद जर दोन्ही बाजूंनी झाला तर त्यात जिवंतपणा येतो. म्हणूनच आम्ही एकप्रयोग करायचा ठरवलंय. आपल्या वाचकांनीही त्यांच्या प्रवासाचे अनुभव इथे मांडायचे. आम्हीतुमच्या नाव व फोटोसहित त्यांना आपल्या ब्लॉगवर प्रसिद्ध करू. तसेच भारतामध्ये पर्यटन क्षेत्रातघडणाऱ्या घडामोडींचे ताजे अपडेट्स तुम्हांला आपल्या ब्लॉगवर पाहता येतील आणि तुमच्या शंकाहीविचारता येतील. आम्ही तुम्हांला योग्य व पूर्ण मार्गदर्शन करण्याचा प्रयत्न करू. त्याचप्रमाणेतुम्हांला आपला ब्लॉग आणखी आकर्षक व उपयुक्त करण्यासाठी नवनवीन कल्पना सुचत असतीलतरबिनधास्त  आम्हांला  travelwithdreams18@gmail.com या मेल आयडीवर कळवा. अशानाविन्यपूर्ण कल्पना आम्ही नक्की आपल्या ब्लॉगसाठी वापरू.       मायबाप वाचकहो तुम्हांला आमची ही कल्पना आवडली असेल तर नक्की आपल्या ब्लॉगलासबस्क्राईब करा व तुमच्या मित्रमैत्रिणी आणि नातलगांनाही याविषयी जरूर सांगा. चला तर मग’हातात हात गुंफुनी सारे’ सज्ज होऊ या विश्वसफरीसाठी ! 

  • India,  More to Explore

    ७. कोंडाणे गुंफा ( Kondane Caves)

    तुम्हांला पावसाची मजा घेत इतिहासात रमायला आवडेल का? प्राचीन काळातील बौद्ध भिक्षुकांच्या जीवनाचा मागोवा घ्यायला व एक रात्र गुंफेत तळ ठोकायला आवडेल का? जर या दोन्ही प्रश्नांची उत्तरं ‘हो’ अशी असतील तर आमच्याकडे आहे तुमच्यासाठी एक मस्त ठिकाण – कर्जतमधील ‘कोंडाणे गुंफा’. इसवीसन पूर्व पहिल्या शतकातील या प्राचीन गुंफा म्हणजे त्या काळातील बौद्ध भिक्षुकांचे निवासस्थान. गौतम बुद्धांची शिकवण देण्यासाठी ते गावोगाव फिरत. त्याकाळी काही आजच्यासारखी वाहतूक नव्हती. त्यामुळे मैलोनमैल जाण्यासाठी पायपीट करावी लागे.मग पावसाळ्यात, हिवाळ्यात चालून थकल्यानंतर आसरा घेण्यासाठी, विश्रांतीसाठी एक निश्चित जागा असावी या हेतूने या गुंफा बांधल्या. एकूण १६ गुंफांचा संग्रह असलेल्या या बुद्धिस्ट गुंफा म्हणजे प्राचीन शिल्पकलेचा उत्कृष्ट नमुना. या गुंफेत विहार, चैत्य व स्तूप कोरले आहेत.…

  • India,  More to Explore

    ६. झेनिथ धबधबा ( Zenith Waterfall )

    आपल्या सौंदर्याची मोहिनी टाकत दरवर्षी अधिकाधिक पर्यटकांचा ओढा खेचून आणणारा धबधबा म्हणजे खोपोलोतील ‘झेनिथ धबधबा’. रायगड जिल्ह्यातील प्रसिद्ध धबधबा अशी त्याची ख्याती आहे . जवळजवळ ८० ते ९० फुटांवरून कोसळणारा हा धबधबा मुंबई व पुणे दोन्ही शहरांपासून जवळ आहे. झेनिथ धबधबा मोठा व वक्राकार आहे. इथे ट्रेकिंग, रॅपलिंगसाठी उत्तम संधी असल्यामुळे अनेक साहसप्रेमी पावसाळ्यात त्याचा आनंद लुटण्यासाठी येतात. मुख्य धबधब्यापासून काही अंतरावर आणखी लहान – मोठे धबधबेही आहेत. त्यामुळे एकांताच्या शोधात असणाऱ्यांनी ती वाट धरायला हरकत नाही. तसेच इथे जवळच दत्ताचे मंदिरदेखील आहे. झेनिथ धबधब्याकडे जाणारा रस्ताही तसा चढ-उतारांचा आहे, पण गटाने जाताना मज्जा येईल. तिथे पोहोचण्याआधी तुम्हांला भातशेतातून व पाण्याच्या लहानमोठ्या झऱ्यांतून जावे लागेल. वाटेत दोन झरे लागतात व…

  • India,  More to Explore

    ५. धनगर धबधबा (Dhangar waterfall)

     नवरा-नवरी पर्वतरांगांनी वेढलेल्या चंदेरी किल्ल्याजवळील धनगर धबधबा! नावं थोडी वेगळी व कुतूहल जागवणारी आहेत ना! आपल्या भटकंती वर्षाऋतूतली सीरिज मधील आणखी एक ऑफबीट ठिकाण म्हणजे बदलापूरमधील हा धनगर धबधबा.  पावसाळ्यात उंचावरून पडणाऱ्या पाण्याचे तुषार अंगावर घेत रॅपलिंगचा थरार अनुभवायचा असेल, तर ‘धनगर धबधबा’ एक मस्त पर्याय आहे. शिवाय मुंबई पासून १.३० ते २ तासांच्या अंतरावर असल्यामुळे ‘बेस्ट वन डे पिकनिक स्पॉट’ ही म्हणता येईल. जवळजवळ ७५ फूटांवरून धबधब्याचे पाणी खाली कोसळते. इथे धबधबा हे मुख्य आकर्षण असले तरी आजूबाजूचा परिसरही नयनरम्य आहे. विविध ट्रेकर्सचे ग्रुप इथे फ्लाईंग फॉक्स,रॅपलिंग सारख्या साहसी खेळांचा अनुभव घेण्यासाठी येतात.बेस व्हिलेज पासून धबधब्यापर्यंत जाण्यासाठी अर्धा ते पाऊण तास लागतो. खाली गावात चहा – नाश्त्याची सोय करता येते,…

  • India,  More to Explore

    ४. चिंचोटी धबधबा

    मुंबईपासून जवळच वसईतील घनदाट जंगलात हा धबधबा आहे. मान्सून पर्यटनासोबत ट्रेकिंग आणि साहसाची आवड असेल तर तुम्ही चिंचोटी धबधब्याचा पर्याय निवडायला हरकत नाही. प्रवास थोडा खडतर आणि शीण आणणारा असला तरी धबधब्याजवळ पोहोचल्यावर समोरचे नयनरम्य दृश्य पाहून तो थकवा दूर पळून जातो. पक्षीप्रेमी व फोटोग्राफर्ससाठी मुंबईच्या जवळचा हा निसर्ग म्हणजे स्वर्गच जणू ! पण या साहसी सफरीवर निघण्याआधी काही गोष्टी लक्षात ठेवणे खूप महत्त्वाचे आहे. धबधब्याकडे जाणारा रस्ता खडकाळ असल्यामुळे चांगल्या प्रतीचे फ्लोटर्स किंवा ट्रेकिंग शूज घातले तर चालताना त्रास होणार नाही. या जंगलातून जाताना चिंचोटी नदी पार करावी लागते. नदीचे पात्र खडकाळ व काही ठिकाणी खोल असल्यामुळे तोल जाऊन बुडण्याचीही शक्यता आहे. त्यामुळे सतर्क रहा. महत्त्वाचे म्हणजे एकट्याने जाण्यापेक्षा…

Enjoy this blog? Please spread the word :)

RSS
EMAIL
Facebook
Facebook
Google+
Google+
http://travelwithdreams.com/tag/places-to-visit-in-monsoon
Instagram