India,  More to Explore

१.माटवण(Matvan)


माटवण(Mathvan)

मुंबईपासून ४ तासांच्या अंतरावर महाडमध्ये वसलेलं हे गाव! खलाटीला असल्यामुळे डोंगरदऱ्यांतून वाट काढत जाण्याची गरज नाही. दोन्ही बाजूंना हिरवीगार पसरलेली शेतं, धबधबे आणि गावात जवळून वाहणारी सावित्री नदी यांमुळे पुरेपूर निसर्गाची मजा लुटता येते. तसेच पर्यटकांचा खूप जास्त ओढा नसल्यामुळे शांत आणि सुरक्षित जागा म्हणूनही माटवणची निवड करता येईल. येथे गावकऱ्यांशी चर्चा करून व संवाद साधून गावात राहण्याची व जेवणाची सोय उपलब्ध होईल. मद्यपान वर्ज्य आहे.  नदीकडे जाताना स्थानिकाला सोबत घेतले तर जास्त बरे! नदीकिनाऱ्यावर मासेमारीचा अनुभव घेता येईल. तसेच शेती कशी करतात याचंही निरीक्षण करता येईल अन् भटकंती करताना रानमेव्याचा आस्वादही घेता येईल. इथले गावकरी मदतशीर आहेत. कोणतेही गैरवर्तन किंवा मद्यपान न करता गावकऱ्यांशी संवाद साधला तर तुमचा प्रवास अधिक सुखकर होईल. या प्रवासात महाडमधील पांडव लेणीही तुम्हांला पाहता येतील. हे ठिकाण कौटुंबिक सहल किंवा ग्रुप टूरसाठी योग्य आहे.

जायचे कसे?
• खाजगी वाहनाने अगदी गावात पोहोचता येते.
• एसटीचाही स्वस्त पर्याय उपलब्ध आहे. महाडपर्यंत एसटीने जाऊन तिथून पुढे रिक्षा किंवा टमटमने जाता येते.

 

Edited & Written by Pooja Jadhav

 

Please Comment below to share your feedback

Follow T.W.D. on Facebook , Instagram , Google Plus & Twitter for more travel stories & explore the known india

नमस्कार मंडळी, मी पूजा.... पूजा नरेश जाधव. आपल्या ट्रॅव्हल विथ ड्रीम्स या ब्लॉगसाठी आकाशसोबत लिखाणाची धुरा सांभाळतेय. गेल्याच वर्षी तोलानी वाणिज्य महाविद्यालयातून B. Com चं शिक्षण पूर्ण केलं. सध्या स्पर्धा परीक्षांची तयारी करतेय. त्यातून वेळ मिळाला की सरळ मोर्चा वळतो तो आपलं सगळ्यात आवडतं काम करायला ! हेच आपल्या ब्लॉगसाठी नवीन पोस्ट बनवण्याकडे.... यासोबत मला नवनवीन पदार्थ बनवायला आणि खायलाही खूप आवडतात. माझा दुसरा आवडता छंद म्हणजे झाडं लावणे आणि त्यांना न्याहाळत बसणे. अधूनमधून पुस्तकंही वाचते. त्यामध्ये परीकथा, साहसकथा आणि प्रवासवर्णनं वाचण्याकडे माझा जास्त कल असतो. या सगळ्यासोबत कॉलेजमध्ये असताना ज्यूडोचं प्रशिक्षणही घेतलं. नंतर पदवीच्या शेवटच्या वर्षाला असताना महाराष्ट्र टाइम्ससोबत "कॉलेज क्लब रिपोर्टर" म्हणूनही कामाचा अनुभव घेतला. या सगळ्या उद्योगांव्यतिरिक्त मला मनसोक्त भटकंती करायला आणि त्या त्या ठिकाणचे पारंपारिक पदार्थ चाखायलाही खूप आवडतं. तिथली संस्कृती अनुभवणं, लोकांच्या लहानसहान गोष्टींचं निरीक्षण करणं यात वेगळीच मजा येते. तशी स्वप्नं बरीच आहेत, पण त्यातलं एक म्हणजे आपला हा ब्लॉग यशस्वी करायचा. तुम्ही सगळे या प्रवासात आमच्यासोबत आहात, त्यामुळे काळजीचं काही कारणच नाही. ...... खूप बोलले ना. आता थोडं थांबते. तसे आपण भेटत राहूच नवीन पोस्टसोबत. तुम्हांला पोस्ट आवडली का हे जरूर कळवा हं. वाट बघतेय तुमच्या प्रतिक्रियेची.

One Comment

Leave a Reply

Your email address will not be published. Required fields are marked *