Spread the love

[kc_row use_container=”yes” force=”no” column_align=”middle” video_mute=”no” _id=”940123″][kc_column width=”12/12″ video_mute=”no” _id=”692358″]

लोणावळा धबधबा
[kc_column_text _id=”974555″]

लोणावळा धबधबा (Lonavala Waterfall) 

लोणावळा – खंडाळ्याला अगदी सामान्य माणसापासून बॉलीवूडकरांपर्यंत सगळ्यांनीच डोक्यावर घेतलं. तिथलं निसर्गसौंदर्यच इतकं अप्रतिम की सहज कोणालाही भुरळ पडावी. पावसाळ्यात तर उंचावरून कोसळणाऱ्या शुभ्र जलप्रपातांमुळे या सौंदर्याला आणखी ‘”चार चाँद” लागतात आणि पर्यटक तिथे आकर्षिले जातात. घाटातून जाताना अनेक धबधबे दिसतात, पण “लोणावळा” धबधब्याची बातच न्यारी !

गजबजलेल्या भुशी धरणापासून थोडं पुढे गेल्यावर उजव्या बाजूला पार्किंगसाठी एक मोठी जागा आहे. तिथे चहा, गरमागरम भजी व मसालेदार भुट्टा विकणारे लहान-लहान स्टॉल्स आहेत. तिथून एक छोटा कडा उतरल्यावर या धबधब्याचं दर्शन होतं, पण तिथे जाण्यासाठी कोणतीही दिशादर्शक पाटी नाही. त्यामुळे या स्थानिक विक्रेत्यांना विचारतच मार्गक्रमणा करावी लागते. १५ ते २० मिनिटं झाडीतून वाट काढत व खडकाळ रस्त्यावरून तोल सावरत चालल्यानंतर धबधब्याच्या पायथ्याशी पोहोचता येतं. तिथे मनमुराद आनंद घेतल्यानंतर परतीच्या वेळी पार्किंग क्षेत्रात उंटावरून मारलेली रपेटही एक मस्त अनुभव देऊन जाते. त्यामुळे कमी वर्दळ आणि सोपा रस्ता असलेला हा धबधबा यंदा तुमच्या मान्सून पर्यटनाचा भाग होऊ शकतो.

जायचे कसे ?
१. मुंबई व पुण्याहून खाजगी वाहनाने मुंबई-पुणे एक्स्प्रेस वे मार्गे भुशी धरणापर्यंत जाता येते. तिथून पुढे चालत लोणावळा धबधबा गाठावा लागतो.
२. ट्रेनने जाणार असाल तर लोणावळा स्थानकावर उतरून तिथून रिक्षा किंवा टॅक्सीने जाता येते.
फोटो : google

[/kc_column_text][/kc_column][/kc_row]

Author

नमस्कार मंडळी, मी पूजा.... पूजा नरेश जाधव. आपल्या ट्रॅव्हल विथ ड्रीम्स या ब्लॉगसाठी आकाशसोबत लिखाणाची धुरा सांभाळतेय. गेल्याच वर्षी तोलानी वाणिज्य महाविद्यालयातून B. Com चं शिक्षण पूर्ण केलं. सध्या स्पर्धा परीक्षांची तयारी करतेय. त्यातून वेळ मिळाला की सरळ मोर्चा वळतो तो आपलं सगळ्यात आवडतं काम करायला ! हेच आपल्या ब्लॉगसाठी नवीन पोस्ट बनवण्याकडे.... यासोबत मला नवनवीन पदार्थ बनवायला आणि खायलाही खूप आवडतात. माझा दुसरा आवडता छंद म्हणजे झाडं लावणे आणि त्यांना न्याहाळत बसणे. अधूनमधून पुस्तकंही वाचते. त्यामध्ये परीकथा, साहसकथा आणि प्रवासवर्णनं वाचण्याकडे माझा जास्त कल असतो. या सगळ्यासोबत कॉलेजमध्ये असताना ज्यूडोचं प्रशिक्षणही घेतलं. नंतर पदवीच्या शेवटच्या वर्षाला असताना महाराष्ट्र टाइम्ससोबत "कॉलेज क्लब रिपोर्टर" म्हणूनही कामाचा अनुभव घेतला. या सगळ्या उद्योगांव्यतिरिक्त मला मनसोक्त भटकंती करायला आणि त्या त्या ठिकाणचे पारंपारिक पदार्थ चाखायलाही खूप आवडतं. तिथली संस्कृती अनुभवणं, लोकांच्या लहानसहान गोष्टींचं निरीक्षण करणं यात वेगळीच मजा येते. तशी स्वप्नं बरीच आहेत, पण त्यातलं एक म्हणजे आपला हा ब्लॉग यशस्वी करायचा. तुम्ही सगळे या प्रवासात आमच्यासोबत आहात, त्यामुळे काळजीचं काही कारणच नाही. ...... खूप बोलले ना. आता थोडं थांबते. तसे आपण भेटत राहूच नवीन पोस्टसोबत. तुम्हांला पोस्ट आवडली का हे जरूर कळवा हं. वाट बघतेय तुमच्या प्रतिक्रियेची.

Leave a Reply

Your email address will not be published. Required fields are marked *